Грузияда үстел теннисінен өткен турнирде қазақстандық команда алтын медаль жеңіп алды.
Үстел теннисінен Қазақстан командасының өкілдері — Абдулла Мамай мен Сарвиноз Миркадырова Батумиде (Грузия) өткен WTT Youth Contender турнирінде қарсылас шақ келтірген жоқ. Бұл туралы Olympic.kz сайты хабарлады.
Қазақстандық жұп 19 жасқа дейінгі жас санатында алтын медаль жеңіп алды. Финалда қазақстандықтар Даниил Виторский/Анастасия Фролова жұбын (Беларусь) 3:1 есебімен жеңді.
