«Жасанды интеллект қолданды» деп айыпталған студент оқудан шығарылды

Миннесота университеті үшінші курс аспирантын емтихан кезінде жасанды интеллект қолданды деген айыппен оқудан шығарды.

33 жастағы Хайшань Ян есімді қытай азаматы өзіне тағылған айыптың жалған екенін айтып, сотқа шағымданған. Студенттің жазба жұмысын тексерген мұғалімдер оны ChatGPT көмегімен жазылған деп таныды.

Ян — жасанды интеллект көмегіне жүгінгені үшін оқудан шығарылған Миннесота тарихындағы  алғашқы студент. Сhatgpt 2022 жылдың соңында білім алушылар арасында кеңінен таралып, қолжетімді бола бастаған еді. Академиялық ортада осындай «алаяқтықтың» етек алуына оқытушылар қатты алаңдаулы.

2023-2024 оқу жылында Миннесота университеті жасанды интеллектті қолданғаны үшін оқудағы алаяқтыққа кінәлі 188 студентті анықтады.

Сот құжаттарында Ян бұл айыптау — эмоционалды күйзеліс пен кәсіби сәтсіздіктерді тудырды деп жазады. Шетелдік студент ретінде ол шегерімге байланысты визалық мәртебесін жоғалтты.

«Менің жағдайда бұл өлім жазасы», — деді Ян MPR News-ке.

Қытайдың оңтүстік-шығысындағы Фуцзянь ауылдық провинциясынан шыққан Ян өзінің ауылынан Еуропа мен Америка Құрама Штаттарында оқуға стипендия алған алғашқы адам екенін айтады. Ол Орталық Еуропа университетінде экономика магистрі дәрежесін алу үшін шетелге кетер алдында Нанкин педагогикалық университетінде ағылшын тілі мен әдебиеті бойынша бакалавр дәрежесін алғанын айтты.  

2023 жылы ол Юта университетінде экономика ғылымдарының докторы дәрежесін алды. Ол Миннесота университетінде академиялық қызметті жалғастыру және профессор ретінде ғылыми зерттеулермен айналысу үшін оқуын жалғастыруға шешім қабылдады. Алайда, айып арқалаған аспирант енді университет тұрмақ, АҚШ-қа кіре алмай отыр. Себебі, оқудан шеттетілгенімен қоймай, студент елден депортацияланды.