Қазақ жігіт жазған тректерді сіз әлеуметтік желіден күніне бірнеше мәрте естіп жүрген де боларсыз. Ол электро-музыка, атап айтқанда фонк жанрында әуендер жазумен айналасыды. Оның SLAY атты жаңа туындысы Spotify платформасында 147 миллион тыңдалым жинаған. Brodyaga Funk деп аталатын екінші хиті де одан кем түспей, 108 миллион тыңдалыммен таң қалдырып отыр.
20 жасар Нұрбек «Білім инновация» лицейінің түлегі. Eternxlkz лақап атымен әлемдік музыкалық топ-чарттарда топ жарған жігіттің шын есімі — Нұрбек Мысиев. Ол Ақтөбе қаласында дүниеге келген. Жас музыканттың ремикстері ғаламдық рейтингетерде көш бастап, әлеуметтік желіде тез тарап кетті. Одан бөлек, Slay ремиксі америкалық топ-чарт Billboard тізіміне енген.