Астанада ер адам лифт ішінде әйелге пышақпен шабуыл жасады. Елордадағы тұрғын үй кешендерінің бірінде болған оқиға бейнебақылау камераларына түсіп қалған, деп хабарлайды inbusiness.kz сайты.
Жапа шегуші әйелдің айтуынша, ол құлағына наушник тағып алған. Ер адам сұрақ қойғанда естімей қалған екен. Соған ашуланса керек, әлгі ер адам ұзын пышағын алып шығып, әйелдің мойнына кезеген. Шыбын жаны шыға жаздаған әйел үйде кішкентай балам бар деп, лифті ашылғанда әрең қашып құтылған», — деп жазады аталмыш дерек көзі.
Полиция департаментінің өкілдері мұндай оқиғаның болғанын растады.
«Қорқыту бойынша қылмыстық іс қозғалып, полиция қызметкерлері күдіктіні ұстады», – деп хабарлады департамент өкілдері.