The World’s 100 Best Cities рейтингі әлемнің ең үздік қалаларын іріктеді. Resonance Consultancy консалтингтік компаниясы құрған жобаға сәйкес, Лондон әлемдегі ең үздік мегаполис деп танылған, — деп хабарлайды Tengritravel.kz тілшісі.
БАҚ мәліметінше, бұл рейтинг әлемдегі беделді тізімдердің бірі болып саналады. Оның нәтижелері бойынша, әлемнің ең үздік қалаларының тізімінде бірінші орын тағы да Лондонға берілді.
«Аңызға айналған мегаполис 2025 жылғы «Әлемнің үздік қалалары» рейтингінде қайтадан бірінші орынды иеленді және осымен қатарынан оныншы жыл бойы көшбасшы болып отыр», – деп көрсетілген жоба сайтында.
Екінші орында – Нью-Йорк (АҚШ), үшінші орында – Париж (Франция). Төртінші орын жапондық Токиоға, бесінші орын Сингапурға берілген.