Вьетнамдық ару «Ғаламның ең сұлу аруы» титулын жеңіп алды. 22 жасар студенттің есімі — Хуинь Тхи Тхань Тхуи. Ол 12 қарашада Токиода өткен Miss International 2024 сұлулық байқауында топ жарды.
VietNamNet мәліметтері бойынша, ол Дананг қаласында туылған. Жеңімпаз жергілікті шет тілдер университетінде оқиды, корей және ағылшын тілдерінде еркін сөйлейді. Ол болашақта жапон тілін үйренуді жоспарлап отыр.
Байқау финалында қатысушыдан «білім беру саласын әлсіреткен факторлар» туралы сұрақ қойылды. Ол COVID-19 пандемиясы кезінде жаһандық білім беру жүйесінің қатты зардап шеккені туралы ойымен бөлісті.
Сонымен қатар, ол бұл атаққа жету үшін аз еңбектенбегенін айтты. Мектеп жасында оған қараторы келбеті мен арықтығы үшін көп буллинг жасалған. Соған қарамастан, ол өз кемшіліктерімен көп күресіп, білім алып, биікке ұмтыла түскенін жасырмады.