Жамбыл облысының әкімі тұрғындардың дүркіреген тойларға баратынын сынады, деп хабарлайды Orda.kz.
Ербол Қарашөкеев тойға шығындалатын қаражатты екі жастың қажетіне жарату керегін мәлімдеді.
«Егер Таразды алсақ, күн сайын 20-25 мың адам тойда жүреді. Одан да ата-аналар бұл ақшаны жинап, жастарға көмектескені жақсы болады деп ойлаймын», — деді ол.
Мәселені шешу үшін аймақ әкімшілігі қандай шара енгізетіні әлі белгісіз. Алайда қазір бұл үшін бастама жұмыстар жүргізіліп жатқан көрінеді.