«Mazmundama» баспа үйінің басқарма басшысы Теңіз Сейілхан әлеуметтік желіде видео жариялап, Түркиядағы жастардың кітап оқуға деген жоғары ынтасын көрсетті. Алматының арбатындағы көрініспен салыстырып, Қазақстанда кітап дүкендерінің аздығын алға тартты, деп хабарлайды Bugin.kz порталы.
Кәсіпкердің айтуынша, Қазақстан әлі де кітап оқу мәдениетіне көп көңіл бөлмей отыр.
«Мына көріністі қараңыздаршы! Кітап оқу мәдениеті қалыптасқан Түркияда кітап дүкендері бар. Бізде адам көп жүретін Арбаттарда, тіпті Астанада болсын, бірде-бір кітап дүкені жоқ. Тек фастфудтан көз аша алмайсың», — деп атап өтті баспа басшысы.