Үшінші «Болашақ ойындары» 2026 жылы Қазақстанда өтеді, деп хабарлады жарыстың ресми сайты. «Болашақ ойындары – Future Games 2024» сайтының ресми өкілдері:
«Біз Қазақстанның 2026 жылғы Болашақ ойындарын өткізетінін қуана хабарлаймыз», — деген жазба жариялаған.
Бірінші ойындарда мемлекет басшысы Қасым-Жомарт Тоқаевтың Болашақ ойындарын 2025 жылы Қазақстанда өткізу туралы ұсынысы қолдау тапқан болатын.
Алайда сәуірде Туризм және спорт министрлігінің баспасөз қызметі президент елдегі ауқымды су тасқынынан кейін бюджетті үнемдеу үшін жарысты 2026 жылға ауыстыру туралы тапсырма бергенін жариялады.
«2026 жылы Қазақстан өзінің бірегей мәдени мұрасы мен инновацияға деген ұмтылысын көрсете отырып, бұл мерекеде маңызды рөл атқарады», — деп атап өтті ұйымдастырушылар.
Болашақ ойындары – классикалық спорт пен киберспортты немесе VR/AR технологиясын біріктіретін фиджитал (physical+digital) концепциясындағы инновациялық халықаралық жарыстар. Жарыстарға геймдев, киберспорт, робототехника (дрон жарысы және робот шайқастары), кеңейтілген және виртуалды шындық, ақпараттық технологиялар және жасанды интеллект саласындағы сайыстар кіреді.
Келесі жылы ойындарды Біріккен Араб әміріліктері өткізуді жоспарлап отыр.
