Режиссер Данияр Саламаттың «Талақ» тарихи көркем фильмі көрерменге жол тартты. Жаңа туындының тұсаукесері Алматы қаласында өтті. Жабық көрсетілімге мәдениет, әдебиет және киноиндустрия саласының өкілдері қатысты.
Туындыда 20-ғасырдың 20-30 жылдарындағы қазақ қоғамының өмірі суреттелген. Аталмыш туынды Халықаралық Шанхай фестивалінде үздік деп танылған. Режиссердің сөзінше: «Фильмде өз құндылықтарынан ажырап қалған ұлт тағдыры, әйел тағдыры бейнеленген».
Бас кейіпкер «Сарымсақ» деген адамның рөлін актер Ерболат Әлқожа сомдап шықты. Фильмнің сценарийі осыдан 7 жыл бұрын жазылып басталған. Содан бері, шыңармашылық топ Ерболат Әлқожамен байланыста болған. Сондықтан, актер «бұл рөлге терең әрі ұзаққа созылған психологиялық дайындықтан өтіп барып келдім», — дейді.
«Қазақтың көкірегіне жетпей жүрген, адамзаттық , ұлттық құндылықтарды бойтұмардай қылып ұсынған, адамды тәубесіне келтіретін фильм»
Досхан Жолжақсынов
