Астана қаласында Қазақ вокал өнерінің негізін қалаушылардың бірі, ұлы әнші және халық әртісі Бибігүл Ахметқызы Төлегенова атындағы алғашқы жеке креативті мектептің ашылуы өтті, деп хабарлайды Ruh.kz.
Мектеп 1058 оқушыға арналған. Олар аталған оқу ордасында халықаралық және қазақстандық білім стандарттарына сай қазақ және орыс тілдерінде білім алмақ.
Мектептің ерекшелігі – мұнда оқушылар сапалы біліммен қоса креативті мамандық игереді. Негізгі жұмыс кілті – вокал, STEM, ART, 3D-модельдеу, digital-дизайн және фото-видео түсірілім. Сонымен қатар оқушылар алаша тоқу, қыш құмыра құю сияқты қолөнерді үйренеді. Қосымша би, спортпен де айналыспақ.
Ашылу салтанатына Қазақстанның халық әртісі Димаш Құдайберген ата-анасымен бірге қатысты.
