Ресей президенті Владимир Путин 27 қарашада Қазақстанға келеді, деп хабарлайды Ult.kz.
Путиннің сапары туралы Ресейдің сыртқы істер министрі Сергей Лавров қазақстандық тараппен кездесу барысында айтты.
«Президенттің Қазақстанға мемлекеттік сапарына үлкен дайындық жүргізіп жатырмыз. Жиынға бірнеше ондаған құжат әзірленіп жатыр», – деді ол.
Сондай-ақ, Ресей билігінің Баспасөз хатшысы Дмитрий Песков та Қазақстанға баруға жоспарланған іссапар туралы ақпаратты растады.
