Қазақ халқының тұрмыс-тіршілігінде айрықша орын алатын өнер түрі — ою-өрнек салу. Халқымыз тұскиіз, текемет, көрпеден бастап, тұрмыстық заттарын, ыдыс-аяғын, күнделікті киім-кешектерін оюлармен өрнектеген. Қазір сол оюлардың біразы ұмытылып бара жатқаны жасырын емес.
Сондықтан, Жанғазы Сейдахмет есімді жас дизайнердің парақшасынан алынған сирек кездесетін немесе жиі көріп жүрсек те атауын білмейтін оюлардың суретімен бөлісуді жөн көрдік.
Қазақ қолданбалы өнерін зерттеуші ғалымдар халқымызда ұлттық ою-өрнектердің 230 түрі бар екенін алға тартады. Солардың ішінде ұлттық өнерде ең кең тараған түрі – мүйіз тектес ою-өрнектер екен. Оларға: «қошқар мүйіз», «арқар мүйіз», «бұғы мүйіз», «қырық мүйіз», «қос мүйіз», «сыңар мүйіз», «сынық мүйіз», «төрт құлақ», «түйе табан», «сыңар өкше», «қос алқа», «құс қанаты», «қаз-табан» сынды ою түрлері жатады. Колөнер шеберлері аталған ою-өрнектерді шебер үйлестіріп, күнделікті тұрмыста жиі пайдаланған.
Басқа да ою-өрнек түрлерін дизайнердің парақшасынан көре аласыздар: https://www.instagram.com/gozin.birdman?igsh=ZmdtZG0wMG1uMXM0
